شرح الربح من الانترنت - الجزء الاول

السلام عليكم ورحمة الله وبركاتة

شرح الربح من الانترنت - الجزء الاول مقدم من برمجة العرب

مبدئيا متوسط اعمار الناس الى هتقرى البوست ده هو 13-20 مش بقول كده عشان اقول انتو صغيرين انا اصلا 18 سنه بس عايز اوصلك حاجه معينه

اولا كده يا معلم شغل النت انت شايفه احسن من بره لانك قاعد عالنت ووقت فاضى وعايز تطلع منه فلوس غير الى بيشتغل بره 12 ساعه ف اليوم فانت عايز تكسب زيه مفيش مشاكل بس الفرق بين النت وبره انت بره مش بتضحى براس مال ولا اى حاجه ولا اى مهارات انت بتشتغل وتقبض اما النت غير كده خااااااالص

النت انت عايز تكسب منه بدون تعب وكمان بدون راس مال يبقى انت عايز تبقى نصاب او فهلوى وده ملوش اى علاقه بشغل النت نهائى او السوشيال وانت بتحلم واحسنلك تسيبه نهائى

الناس كلها لما نزلت شرح الادسنس المخالف قالك ماشى احنا مستفدناش منه عشان مش عهارفين نجيب زيارات . . ونفس الناس عايزين بايونير ببلاش وحسابات نوزعها عليهم وهو كل الى عليه مثلا يظبط مدونه وعايز منى طريقه تجيبله مليون زائر يومى وكده هو باشا ويشتغل يعد فلوس

مبدئيا دى اكتر حاجه خنقانى وقرفانى من الجروب ان كل الناس عايزه كل حاجه وهى متعملش اى حاجه ويقولك انت مش المفروض تساعدنا ؟ الى هو انت مخلفنا وناسينا

تانى حاجه بلاقى انى حد منزل عرض مثلا او انا منزل عرض فلوس ف ادسنس يقولك خد منى بعد القبض الى هو انا عايز نسبه مخاطره 0 نسبه خساره 0 نسبه ربح 100% او يقولك اضمنلى 100% انى هقبض

انت كده ولا فاهم حاجه ولا هتفهم ولا عمرك ما هتعمل فلوس من النت ولا هتعمل شغل اساسا

بص يا معلم

مبدئيا شغل النت كله مبنى عالمخاطره وعالمكسبو عالخساره وانا جت عليا فتره خسرت مبالغ مهوله وبرجع تانى اقف على رجلى فانت فاكر الموضوع انك فاتح سوبر ماركت تبقى غلطان

تانى حاجه بلاقى ناس حد ينزل عرض يقولك مثلا صفحه مش عارف ب 10 الاف دولار ولا مش عارف ايه بكام يقولك انا لو معايا المبلغ ده مش هفتح الفيس طب الى منزل البوست ذنبه ايه انك حمار ولا بتفهم ف حاجه واخرك تلعبا لمزرعه فى حين انه ممكن يعمل هو المبلغ ده ف يومين وانت متعرفش ازاى اه وبالمناسبه اى كومنت من النوع ده هديله بان نهائى بعد كده

الى فات ده مقدمه تعالى بقا نخش ف الشغل الجد

طالما انت هنا ف الجروب وشوفت ناس بتكسب وبتعمل انت مستعد تكسب يبقى الموضوع حاله من اتنين

يا هتخش براس مال يا اما بمجهودك حاجه تالته مفيش والا تبقى نصاب وشغلك مش هيكمل فتره الا وهيبوظ وهتتعرف وهجيبك وهعلقك من لباسك ومش هيبقى ليك سمعه حلوه

الجزء الجاى من البوست تقريبا انا نشرته قبل كده وهنشره تانى ووالله ما واخده كوبى انا هكتبه بايدى اهو لتانى مره بس ساعتها الى هيقول كلمه انا مبشتغلش ومش مستفيد من الجروبم ن ساعه ما دخلت هديك بان عشان الكلمه بتستفزنى وبتحسسنى انك دفعلنا حق اشتراك الجروب ومش بنفيدك وكانك داخل جولدن جيم من شهرين ومطلعلكش عضلات هو العيب ف الحديد ؟ ما علينا من التشبيه نخش ف المفيد

دى كل السكك الى هتقدر تجيب بيها فلوس من عالنت ومعتقدش انت هتعمل حاجه تانيه بره الى هقوله دلوقتى نهائى

1 - الادسنس

دى الحاجه الى انا بفضلها من ضمن كل الحاجات الى هكتبها ومش هكتب شرح ليها لانى عملت ليها خمسين شرح قبل كده بس الى عايزك تتاكد منه ان ربحها حلو ونسبه مخاطرتها عاليه فمتفكرش انك داخل ضامن انك تقبض او انك ضامن تخسر ومتفكرش انك هتخش ب 100 جنيه وعايز تكسب ملايين لا على قد ما هتدفع وعلى قد المخاطره هتكسب

2 - البرمجه

نزلت قبل كده بوست فين اللينك ده http://elzero.info/Courses/ ده فيه مبادى لغات البرمجه لحد ما تبقى نوعا ما محترف وفيه معظم اللغات والباقى هيتضاف قريب خش وشوف وعلى فكره الناس الى عاليه ف البرمجه مش بيحتاج اى شغل تانى

3 - الفوركس

مش هتكلم عنه كتير لانى شخصيا مش بفضله لانه مساله حظ وعمله طلعت وعمله نزلت وكمان عشان تدخله محتاج فلوس وهنام عظم الناس عايزه تكسب ببلاش ففاكس يعنى

3 - الفوتوشوب

ده ليه خمسين الف مجال تقدر تشتغل بيه من اول البيدجات الى التيم بتاعها بيقبض فلوس من التصاميم وكمان المواقع الاجنبيه الى بتطلب تصاميم بفلوس كتير وكمان تقدر تصمم كروت لمحلات وتطبع وتبيع لمحلات وتلف وتنزل وتتحرك وتبطل كسل وممكن تعمل صور كرتون للناس وحاجات كتيييييييييييير جدا بس الاهم انك تتعلمه بعد كده ابقى اشتغله والكورسات ماليه الدنيا عاليوتيوب مش محتاج حتى احط لينك

4 - الوساطه

الوساطه مش تخش وسيط بين الناس لا انك تشوف حد بيبيع حاجه ب 10 وحد محتاجها ب 20 يا تشترى انت من هنا وتبيع من هنا يا توصلهم ببعض وتاخد نسبه واتكلمت عليها قبل كده كتير فمش هرغى فيها كتير

5 - الالعاب الاونلاين

دى كانت بدايتى شخصيا ف المجال انى كت بروح منطقه سعر الحاجه ف اللعبه قليل اشترى كميه واروح ابيعها ف منطقه تانيه بسعر اعلى وااكسبا لفرق والالعاب كتير كونكرك روس فاير تاجر ف اكونتات ف جولد العاب الفيس حاجات كتيييييييييييييير

6 - الشرا من عالنت

معتقدش حد اتكلم على حاجه زى دى وانك تعمل ممول او تشترى للناس حاجات من مواقعع شرعى بفيزتك وتاخد منه عموله لان انا شخصيا كنت بدوخ على حاجات من مواقع ومبعرفش اشتريها وهتكسب برضه اه بالمناسبه عايز عصايه هوكى من امازون الى يعرف يجيبها يقولى ويقولى حسابه كام

7 - تكبير الاكونتات

تكبير الاكونتات سهل واتكلمت فيه قبل ده كتير ومنه تقدر تكبر جروبات وتبيع وحاجات كتير والموضوع مش محتاج اتكلم فيه

8 - الزوار

لو اشتغل ف رقم 7 هيساعدك كتيرف رقم تمانيه وتقدر تزود زوار لاى حد من جروبات اكونتات جن ازرق عادى وحاجه مطلوبه والناس كلها بتشترى

9 - الاعلانات

دى هتعملها لو معاك بيدج قويه وكبيره ومتفاعله ففكك من النقطه دى

10 - ملهاش اسم بس احسن حاجه اشتغلت فيها

بص يا معلم لو انت دماغك حلوه ونضيفه هتعرف تجيب افكار انا شخصيا كنت بشتغل مع ناس عربو اردنيين واجانب كنت كل الى بعمله اقوله فكره موقع او اى حاجه انك تخلى الزائر يفضل عندك كتير او يتشد لنوع موقعك او حاجات زى كده وكنت باخد من فلوس التنفيذ او نسبه او مقدم المهم كنت بكسب ولحد دلوقتى محدش بيتشقلب ف ادسنس المخالف ف افكار قدى فلو دماغك حلوه هتمشى وتفوت ف الحديد

-----------------------------------------

كفاية كدة انهردة انتظروني فى الجزء التانى من موضوع كيفية الشرح من الانترنت :D